ПЕТЕРБУРГДАГИ ГАСТРОЛГА КАТТА ТАЙЁРГАРЛИК КЎРЯПМАН!

" Ўзбек шоу оламида шансон услубида куйлаб ўрнини топган хонанда Даврон Довуров ўз услубига содиқ қолган тарзда бир неча альбомлар яратишга улгурган. Қизиғи, ҳеч қандай рекламаларсиз ушбу альбомлар қўшни республикалар, қолаверса, Россияда ҳам ўз мухлисларини топган. Даврон Шансоннинг Тоҳир Содиқов, Насиба Абдуллаева билан куйлаган дуэтлари ҳам оммалашган. Абдуллаева билан ҳамкорликда ижро этилган "Параллелы” дуэтига клип суратга олиниши режалаштирилган эди, бироқ, Даврон айни пайтда бу режага иккинчи масалага сифатида қараяпти. Боиси, ундан-да муҳимроқ бошқа сарф харажатлари борлигини айтади, хонанда. Яқинда Даврон "Тарона рекордс” студиясида янги қўшиғини ёзиб тугаллади. "Ты моя любимая” деб номланмиш ушбу қўшиқни хонанданинг шахсий веб-сайтида тинглашингиз мумкин. Дарвоқе, яна бир неча кунлардан кейин Даврон Шансоннинг Санкт-Петербургда гастрол концертлари бошланади. Клубларда тақдим этилажак концертларда хонанда мухлисларини ўзининг ижро маҳорати билан баҳраманд этади. Олға, Шансон!